《讀者投稿》
話說我同隊友未結婚果陣，已經同居左一年！點知中途62過左身..咪搬番去同未來99住囉，怕佢一個人住會唔開心、會悶！我都唔係好記得未結婚之前同99相處既事，不如就講下結婚之後啦..
首先結婚果晚佢笑都冇笑過，影出黎既每一張都係黑口黑面（我都係睇番啲相先知），搞到我啲姑媽就我媽咪點解佢咁樣..我媽都唔識答！後來隊友問佢，99話佢笑唔好睇喎！（哦～～）
平時佢講野好刻薄、所以同一屋簷下我都唔係點同佢講野（我怕自己忍唔住同佢嘈起上嚟）
早前待業左成年，喺「佢」屋企日日瞓到日上三竿，愈瞓就愈攰..皆因佢每日都要等佢個寶貝仔放工番黎，先捨得開燈！講緊係夜晚7點，依頭扮晒野叫你開燈，唔係隻眼會盲..轉頭我去完廁所出黎就熄左盞燈！Okay，我以後都唔開燈喇！（因為99屋企係最舊式既公屋，仲要係走廊最尾果間、又冇房、陽光又照唔到入屋..睡房就只得塊遮光布隔住！住落搞到個人情緒好差、陰陰沉沉、冇哂精神、負能量爆棚、每晚都要等佢瞓左先有自己私人時間。）
最後因為一個原因，搞到我隊友即刻同我搬出去住..
有次我地兩公婆去完街番黎，我發現自己有兩舊5毫子咁大既洗面皂唔見左..我已經知咩事！第二日隊友問99，99話以為我唔要，所以拎左去洗地，仲好大聲咁講：「咪買番比佢囉！」問題係我舊洗面皂我放左喺洗手盤上面既番梘盒上面，由一舊用到變瘦、斷埋得番細細舊，點會唔要呢？！
平時佢見我啲野放系度兩日唔用就收起哂佢，最慘又唔同你講..要用起上黎左一件、右一件（我都算喇，由你啦）不過果次我覺得佢係特登既、真係好過份！問都唔問下，所以我等佢瞓左，情願揼哂自己唔用既野都唔比機會（藉口）佢揼我啲野！隊友見我咁，即刻同我搬左出去..而家好食好住又瞓得好(o^^o)
＃我的極品四大長老
Search